我人生第一次著bikini 👙
係因為🍎蘋果日報娛樂版訪問
當年17歲讀F.5⋯⋯(2002年)
亦都係人生第一次個人專訪
返到學校，
校長釘咗響壁報板上面
我由菲林年代到數碼化到動新聞
我都見證住
同有幸參與其中
中間我有好多好多年
同蘋果副刊合作無間
車版，食版，親子版都會見到我
佢哋養左都好長時間㗎
當年副刊同事
重裱起我同肥通嘅報道
放響副刊部當眼位置
每次入去蘋果大樓影相
大家都好似一家人咁
#蘋果日報 有好多回憶
例如被五花大綁響張凳
再隊隻田雞嚇我
為影張好驚嘅相
最開心影副刊美食版
影完真係有得食㗎
第一次拍動新聞嘅片係副刊
介紹hard rock cafe
我重要響動新聞入面唱歌🎤吖
同好多記者同攝影師都係朋友
開開心心又一日
響我演藝事業上
我好多謝蘋果日報
可能我有好多都係負面新聞
（正面嘢搵鬼睇咩？）
但係就正正因為蘋果日報嘅報道
當年多咗好多人認識我
唔係講笑
除咗香港蘋果日報
台灣蘋果日報我都上過
話說今年我都上左好幾次娛樂版
好感恩！
我有生之年上過
A1頭條同C1頭版
都係蘋果日報🍎
試問人生有幾多人有機會上到A1，C1先？
多謝蘋果日報對香港人嘅貢獻
陪伴香港人26年
感激你令我成為新聞人物
無論如何，
我都永不忘記🍎香港蘋果日報
我深信不久將來，
我哋一定有機會再合作！
感謝壹傳媒所有雜誌刊物
記者們同攝影師們
辛苦晒大家！珍重🙏🏻
#我上蘋果日報的日子 #香港蘋果日報 @appledailyhk
Search